Во соопштението на военото крило на ПКК се наведува дека нападот на просториите на воздухопловната и одбранбена компанија ТУСАС го извршиле двајца припадници на „бесмртната чета“ како одговор на турските масакри и други напади во курдските региони.
Маж и жена провалиле во просториите на ТУСАС на периферијата на Анкара, подметнале експлозив и почнале да пукаат. Загинале четворица работници. Напаѓачите на местото на злосторството стигнале со такси кое го грабнале и го убиле возачот.
Напаѓачите се убиени во престрелка со безбедносните сили, а во нападот се убиени повеќе од 20 лица.
Турција веднаш ја обвини ПКК за нападот и почна низа воздушни напади на локации и објекти за кои се сомнева дека групата ги користи во северен Ирак и северна Сирија. ПКК е забранета во Турција и турските власти ги сметаат членовите на партијата за терористи.
