„Единственото нешто за што можеме да жалиме е што не ги започнавме нашите активни акции порано, верувајќи дека имаме работа со чесни луѓе“, рече Путин опишувајќи ја ситуацијата околу Украина, пренесува ТАСС.
Путин рече дека Русија во првата фаза се обидела да го реши конфликтот во Донбас „по мирен пат, односно со договорот од Минск“.
„Подоцна се покажа дека сме измамени во тој поглед, бидејќи и поранешната германска канцеларка и поранешниот француски претседател отворено признаа во јавноста дека никогаш не планирале да ги исполнат договорите. Наместо тоа, тие купуваа време за да му достават повеќе оружје на режимот во Киев, што е токму она што го направија“, рече Путин, пренесе ТАСС.
