Рота, по скандалот, поднесе оставка на функцијата, а Трудо се извини. Путин вчера на меѓународниот економски форум во Русија кажа дека Рота требало да знае за минатото на Хунка пред да го претстави како Украинец кој се борел против Русите во Втората светска војна.
„Ако претседателот на канадскиот парламент каже дека овој канадско-украински нацист се борел против Русите, не може да не е свесен за фактот дека се борел на страната на Хитлер, а не на страната на својата татковина Канада“, кажа Путин на дебатниот форум Валдај во руски Сочи.
„Ако не знае дека Хитлер и неговите злосторници во војната се бореле против Русија, тој е идиот. А ако знае дека тој човек се борел на страната на Хитлер и го нарекува канадски херој, тогаш е подлец“, кажа рускиот лидер.
„Одвратно е тоа што сите му ракоплескаа на овој нацист, особено претседателот на Украина во чии вени тече еврејска крв“, продолжи Путин. „И самиот претседател на Украина стана и му ракоплескаше на нацистот кој убивал Евреи. Нели е тоа знак за нацификацијата на Украина?“.
Русија како една од причините за инвазијата на Украина ја наведува „денацификацијата“ на соседната земја.
