По слетувањето на рускиот лидер во Пекинг го дочека делегација кинески функционери и свечената гарда.
Официјалната посета ќе трае два дена и ќе се одвива во две етапи – денес Путин ќе престојува во Пекинг, а утре ќе го посети Харбин, административниот центар на провинцијата Хеилонгџанг.
Путин ќе се сретне со кинескиот претседател Си Џинпинг, а по разговорите на највисоко ниво двете страни ќе потпишат низа договори и документи.
Путин и Си во Пекинг ќе разговараат за Украина, Блискиот Исток, ситуацијата во Азија и кинеската иницијатива Појас и пат, соработката во рамки на Обединетите нации и БРИКС.
