Преговарачите на Г7 со недели дебатираа за тоа како најдобро да се искористат руските средства вредни околу 300 милијарди долари, во различни големи светски валути и државни обврзници, замрзнати непосредно откако Москва ја нападна Украина во февруари 2022 година.
Во уредбата издадена денеска наведени се хартии од вредност, недвижен имот, имоти и имотни права од имот во сопственост на САД кој е предмет на заплена.
Поранешниот претседател Дмитриј Медведев минатиот месец призна дека има занемарлив износ на американски владини средства во Русија и дека секој одговор од Русија би бил асиметричен, што значи дека повеќе ќе се фокусира на имотот на приватни лица.
Средствата на бројни странски инвеститори во Русија, вклучително физички лица и големи американски инвестициски фондови, се чуваат на посебни сметки „тип Ц“, воведени од Русија набргу откако испрати војници во Украина и беше погодена од серија западни санкции во февруари 2022 година.
Парите на овие сметки не можат да се префрлаат надвор од Русија без дозвола на руските власти.
