Кабинетот на јужноафриканскиот претседател Сирил Рамафоса во средата објави дека рускиот лидер Владимир Путин нема да присуствува на самитот на лидерите на БРИКС во Јоханесбург следниот месец.
Одлуката ја донесоа двете нации, додава кабинетот.
Рускиот министер за надворешни работи Сергеј Лавров ќе ја претставува Русија на овој важен настан, објави земјата-домаќин.
„Во догледно време, ќе биде објавена сеопфатна изјава за суштинските прашања што ќе бидат опфатени на самитот и други поврзани надворешнополитички прашања“, се вели во соопштението.
Москва претходно ја предупреди Јужноафриканската Република (ЈАР) дека апсењето на рускиот претседател Владимир Путин ќе биде еднакво на „објавување војна“, соопшти синоќа Рамафоса.
„Русија јасно стави до знаење дека апсењето на нејзиниот сегашен претседател ќе биде еднакво на објавување војна“, напиша Рамафоса во изјавата до Високиот суд во северната јужноафриканска провинција Гаутенг.
