„Русија мора рамноправно да учествува во глобалната трка за создавање силна вештачка интелигенција. Токму напредните решенија се она на што во моментов работат руски научници“, кажа Путин на конференцијата во Москва. „Ги повикуваме научниците од целиот свет да се придружат на соработката“, додаде тој.
Денес Сбербанка, главниот кредитор во Русија кој го предводи развојот на вештачката интелигенција, соопшти дека националните АИ сојузи од земјите на БРИКС – Бразил, Индија, Кина и Јужноафриканската Република – но и од Србија, Индонезија и други земји кои не се членки на БРИКС, се приклучиле на Мрежата на АИ сојузи.
САД и Кина се водечките сили во вештачката интелигенција, но потегот на Путин да се здржи со Кина може да ја смени динамиката во трката за вештачката интелигенција. Русија е една од десетте земји, вклучувајќи ги САД, Кина, Британија и Израел, кои развиваат сопствени генеративни модели на вештачка интелигенција.
Алатката Вајбранси АИ на универзитетот Стенфорд, која оценува 36 земји врз основа на 42 АИ показатели, вклучувајќи ги истражувањето и развојот, ја става Русија на 29 место.
