вторник, 28 мај 2024

Путин ја повлекува војската од различни ерменски региони

Рускиот претседател Владимир Путин се согласи да ги повлече руските воени сили и граничарите од различни делови на Ерменија на барање на Ереван, изјави портпаролот на Путин за руската новинска агенција Интерфакс.

Фото: ЕПА

Објавено на

часот

Сподели

Соопштението уследи по заминувањето на речиси 2.000 руски мировници од регионот Нагорно-Карабах и околните области. Азербејџан насилно го врати тој регион во септември минатата година.

Нивното заминување стави крај на повеќегодишното распоредување кое ѝ овозможи на Москва да има воено упориште во стратешки важниот регион, Јужен Кавказ.

Ерменија исто така побара од руските граничари да ги напуштат своите позиции на главниот аеродром во Ереван од 1 август.

Портпаролот на Кремљ Дмитриј Песков изјави дека Путин и ерменскиот премиер Никол Пашинјан на состанокот во средата во Москва постигнале договор за нови заминувања од споменатите области.

„Есента 2020 година, на барање на ерменската страна, наши граничари и членови на нашите воени сили беа распоредени во бројни ерменски региони. Пашинјан рече дека денес, поради променетите околности, повеќе нема потреба од тоа, со што се согласи и претседателот Путин и беше договорено повлекување на нашата армија и граничарите“, изјави Песков за Интерфакс.

Ерменскиот медиумски сервис Спутник ја пренесе изјавата на висок ерменски политичар од владејачката партија, кој рече дека Путин и Пашинјан се договориле руските сили и граничарите да се повлечат од пет ерменски региони.

Сепак, на барање на Ереван, руските граничари и понатаму ќе останат на границите на Ерменија со Турција и Иран, додаде Песков.

Пашинјан ја критикуваше Русија дека не интервенирала кога требало да ги запре азербејџанските сили во Карабах и оттогаш јавно го доведува во прашање традиционалниот сојуз на својата земја со Русија, која во Ерменија има бројни воени капацитети, и почна да создава поблиски врски со Западот.

ТОП ВЕСТИ

ПОСЛЕДНИ ВЕСТИ