четврток, 23 мај 2024

Путин и Си: Америка е сè поагресивна

Кинескиот претседател Си Џинпинг и рускиот претседател Владимир Путин денеска го осудија, како што го нарекоа, сè поагресивното однесување на САД и најавија продлабочување на веќе блиските одбранбени и воени односи.

Фото: ЕПА

Објавено на

часот

Сподели

Во јасната порака до Вашингтон, чиј министер за надворешни работи минатиот месец беше во Кина за да го убеди Пекинг да ги ограничи врските со Москва, Си јасно стави до знаење дека Русија и Кина се во согласност за голем број важни прашања, вклучително и војната во Украина и дека тие ќе се спротивстават на обидите на западот да ги загрози нивните односи.

„Односите меѓу Кина и Русија тешко се стекнати, и двете страни мора да ги вреднуваат и негуваат“, му рече Си на Путин во Пекинг. „Кина е подготвена заеднички да го постигнеме развојот и препородот на нашите две земји и да соработуваме во одржувањето на правичноста и праведноста во светот“, додаде кинескиот лидер.

Во заедничката изјава, Пекинг и Москва изразија загриженост поради наводните обиди на САД да ја нарушат стратешката нуклеарна рамнотежа, зборуваа за американската противракетна одбрана во светот што им се заканува на двете земји, како и плановите на САД да развијат ненуклеарно оружје од висока прецизност.

Путин, на своето прво патување, откако овој месец повторно положи заклетва за шестгодишен претседателски мандат, ја опиша соработката меѓу Москва и Пекинг како еден од најголемите фактори за стабилност на меѓународната сцена.

„Заедно ги браниме принципите на правдата и демократскиот светски поредок што ја одразува мултиполарната реалност и се заснова на меѓународното право“, му рече Путин на Си.

Рускиот претседател пристигна во Кина неколку недели откако американскиот државен секретар Антони Блинкен беше таму и изрази загриженост за поддршката на Кина за руската армија. Еден ден подоцна, тој најави дека Вашингтон ќе продолжи да воведува санкции за кинеските компании кои го снабдуваат рускиот одбранбен сектор.

Посетата на Блинкен се чини дека беше неуспешен обид да се поткопа партнерството „без ограничувања“ што Путин и Си го најавија во февруари 2022 година во Пекинг, само неколку дена пред рускиот претседател да испрати десетици илјади војници во Украина.

ТОП ВЕСТИ

ПОСЛЕДНИ ВЕСТИ