„Тргнуваме од принципот дека на тој начин имаме влијание на воено-индустрискиот комплекс на Украина“, кажа Путин вчера за време на средбата во Кремљ со својот белоруски колега Александар Лукашенко.
Путин додаде и дека тие бомбардирања се одговор на неодамнешните украински напади на енергетската инфраструктура на Русија, особено на рафинериите.
„Во последно време забележавме серија напади на нашите енергетски објекти и бевме обврзани да одговориме“, кажа тој.
Тој истакна дека руската војска не ги гаѓала украинските електрични инсталации во текот на зимата „од хуманитарни причини“.
„Не сакавме без струја да останат социјалните инфраструктури, болниците итн.“, кажа рускиот претседател.
