Најмалку двајца полицајци беа застрелани, рече Хемфри. Од најмалку осум лица кои се пренесени во болница, двајца се во критична состојба. Еден од нив е полицаец кој во моментов е на операција. Полицијата работи на идентификување на сите жртви, рече Хемфри.
ФБИ соопшти дека нивните агенти се на местото на настанот и дека ѝ помагаат на локалната полиција. Се предупредуваат жителите да не се приближуваат до тој дел од градот.
На местото на пукањето пристигна градоначалникот на Луисвил, Крег Гринберг. Тој го нарече инцидентот „трагичен“. Полицијата потврди дека пукањето се случило во банката Олд Нашнл во најголемиот град во Кентаки.
BREAKING: At least 5 dead, 6 injured following active shooter incident at the Old National Bank building in downtown Louisville, Kentucky. pic.twitter.com/RlR0G5a5yV
— UA News (@UrgentAlertNews) April 10, 2023
Бајден бил информиран за инцидентот, а Белата куќа најави дека наскоро ќе излезе со соопштение.
Полицијата смета дека напаѓачот бил поврзан со банката, соопштија на прес-конференција. Изгледа, како што велат, бил поранешен вработен.
Five people are dead, and at least six injured, in a mass shooting at the Old National Bank building in downtown Louisville, Kentucky, according to Louisville Metro Police Deputy Chief Paul Humphrey.
The shooter has been reported dead, and one officer is among the injured. pic.twitter.com/kRgJbVkaYA
— The Recount (@therecount) April 10, 2023
„Полицијата реагираше во рок од три минути од повикот утринава и наиде на осомничениот речиси веднаш“, рече заменик-началникот на полицијата во Луисвил, Пол Хемфри на брифингот со новинарите. Осомничениот продолжил да пука, рече началникот. Полицијата разменила оган со напаѓачот, кој починал на местото на настанот, додаде тој.
Полицијата се обидува да утврди дали напаѓачот починал од прострелна рана или од самонанесена рана.
