ПСЖ се искачи на врвот на табелата во групата на смртта откако со 3-0 го совлада Милан во Париз.
Килијан Мбапе со одличен погодок во 32. минута донесе водство за францускиот шампион.
По осум минути игра во вториот дел Коло Муани постигна гол за 2-0, а конечните 3-0 беа дело на Ли Канг Ин.
Борусија Дортмунд со гол на Нмека во самиот финиш од првиот дел го победи Њукасл на негов терен со 1-0.
Во финишот од натпреварот Њукасл двапати ја погоди пречката, но не успеа никако да постигне гол и да избегне пораз.
Црвена звезда со 3-1 загуби на гостувањето кај Лајпциг.
Раум уште во 12. минута донесе водство на германскиот клуб, а Симонс во 59. зголеми на 2-0.
Стамениќ во 70. минута ја врати Црвена звезда во мечот, но сите дилеми околу победникот беа решени во 84. минута кога Олмо даде гол за конечни 3-1.
Интересно беше во Глазгов каде Селтик и Атлетико Мадрид одиграа 2-2.
Фурухаши уште во четвртата минута даде гол за водство на Селтик од 1-0.
Во 25. минута Гризман шутираше пенал, топката се одби од стативата, повторно дојде до него и тој погоди за израмнување на 1-1.
Три минути подоцна Селтик го врати водството со гол на Палма, а по осум минути игра во вториот дел Алваро Мората даде гол за конечни 2-2.
Манчестер Сити со 3-1 славеше кај Јанг бојс, Халанд даде два гола, еднаш погоди Акањи за европскиот шампион.
Порто со 4-1 славеше кај Антверпен, домаќините водеа по првиот дел, но примија четири гола во второто полувреме.
