„Златната доба почнува сега“, порача Трамп, додавајќи дека од денешниот ден Америка ќе цвета.
„Ќе бидеме предмет на завист на секоја нација и нема да дозволиме повеќе да нè искористуваат. Секој ден на оваа администрација, Америка ќе биде на првото место“, додаде Трамп.
Тој кажа и дека суверенитетот и безбедноста на САД „ќе бидат вратени“.
„Нашиот главен приоритет ќе биде да создадеме нација која е горда, просперитетна и слободна“, кажа новиот американски претседател.
Трамп кажа дека ќе сопре пропаѓањето на нацијата.
Тој тврди дека во последните осум години лично бил „тестиран“ повеќе од кој било друг претседател во историјата.
„Оние кои сакаат да ги сопрат нашите цели се обидоа да ја одземат мојата слобода и мојот живот. Куршум ме погоди во увото“, потсети Трамп.
„Бог ме зачува за да можам Америка повторно да ја направам голема“, истакна тој.
