Државната телевизија го прикажа Ц919 како се издигнува кон небото над Шангај и се упатува кон главниот град Пекинг, објави Би-би-си.
Изграден е од страна на Комерцијалната авијациска корпорација на Кина (Комак) со надеж дека ќе стави крај на доминацијата на авионите Ербас и Боинг.
Кинескиот авион со 164 седишта сè уште многу се потпира на западните компоненти, вклучувајќи ги моторите и разни други компоненти.
Неговиот прв комерцијален лет од Шангај до Пекинг, со повеќе од 130 патници, заврши за нешто помалку од три часа.
Државната авиокомпанија Чајна истерн ерлајнс нарача пет авиони.
Комак, кој планира да произведува 150 авиони годишно за пет години, вели дека веќе има обезбедено повеќе од 1.200 нарачки за Ц919.
Некои експерти, сепак, велат дека повеќето од тие нарачки се верува дека се писма со намера од домашни клиенти.
Претседателот Си Џинпинг, кој седна во пилотската кабина на макетата на Ц919 пред неколку години, го опиша проектот како едно од најиновативните достигнувања на Кина.
