петок, 14 јуни 2024

Први резултати: Ердоган води во вториот круг од претседателските избори

Објавено на

часот

Сподели

Актуелниот претседател на Турција Реџеп Таип Ердоган би можел да освои нов мандат на таа функција, покажуваат првите прелиминарни податоци од денешниот втор круг од претседателските избори во Турција.

Според 49,39 отсто од преброените гласови, Ердоган води со 56,36 отсто од гласовите наспроти опозицискиот кандидат Кемал Киличдароглу, кој освои 43,64 отсто, јавува Турската радио-телевизија (ТРТ).

Избирачките места се затворени во 17 часот по локално време.

Според досегашните податоци, излезноста била 84,74 отсто, а гласале најмалку 24,1 милион граѓани.

Ердоган (69), вообичаено фаворит на изборите и кој доби повеќе овластувања во текот на своите 20 години на власт, освои најмногу гласови во првиот круг од гласањето на 14 мај.

Киличдароглу (74), лидер на главната опозициска социјалдемократска Републиканска народна партија и заеднички кандидат на шестпартиската алијанса, вети дека ќе го смени долгогодишното уназадување на демократите под водство на Ердоган, ќе ги врати сириските бегалци и ќе ги промовира правата на жените.

Киличдароглу ги повика денеска гласачите да гласаат „против авторитарниот режим“ на Ердоган.

„Ги повикувам граѓаните да гласаат за вистинска демократија и слобода, за да можеме да се ослободиме од авторитарните власти“, рече Киличдароглу во Анкара додека го вметнуваше своето гласачко ливче во кутијата во главниот град Анкара.

Ердоган гласаше во избирачкиот центар во Истанбул и при тоа изјави: „Ова (втор круг) е прв во демократската историја на Турција. Турција, со речиси 90% учество во минатиот круг, убаво ја покажа својата демократска борба и верувам дека ќе го стори истото и денеска. Се молам ова да биде добро за нашата земја и нашиот народ“.

ТОП ВЕСТИ

ПОСЛЕДНИ ВЕСТИ