Во јануари 2022 година во основното училиште во Лабуништа Мерко поставил директорка која не ги исполнувала законски пропишаните услови.
„Обвинетиот, како службено лице – градоначалник на општината Струга, на 31 јануари 2022 година, свесно ги повредил законските прописи за совесно постапување при именувањето на вршител на должност – директор на општинско основно училиште во селото Лабуништа. Притоа, донел решение и за вршител на должноста именувал лице кое не било од редот на вработените, како што е предвидено во членот 118 од Законот за основно образование, и немала соодветно работно искуство во воспитно-образовна работа предвидено во членот 109 од Законот. Така обвинетиот овозможил лицето да биде именувано на функцијата и да ѝ се исплаќа плата како в.д. директорка 19 месеци, со што на училиштето му била нанесена штета во вкупен износ на неосновано исплатените плати и придонеси“, соопшти вчера обвинителството.
Мерко се гони по член 353-в став 1 од Кривичниот законик за што е пропишана казна со затвор од три месеци до три години.
Овој случај лани го обзнани Државната комисија за спречување на корупцијата, директорката била поставена на функцијата пред да заврши факултет, а потоа факултетска диплома добила на универзитетот кој е во приватна сопственост на градоначалникот Мерко.
За набавката на автомобилот, според член 353 став 4 од Кривичниот законик предвидена е затворска казна до пет години.
Од лани во јуни Рамиз Мерко и неговата сопруга се на црната листа на САД.
