Многубројните поддржувачи ги дочекаа со песни и со извици „Христијан, Христијан“ и го скандираа името на партијата.
Сиљановска Давкова освои најмногу гласови на вчерашните претседателски избори. По обработени 99,03% од гласачките ливчиња, според првичните резултати на Државната изборна комисија кандидатката на ВМРО-ДПМНЕ освои 362.682 (или 40,08% од излезените гласачи), пред Стево Пендаровски од СДСМ со 180.306 гласа (19,93%).
Гордана Сиљановска Давкова и Стево Пендаровски влегуваат во вториот круг од претседателските избори, кој ќе се одржи на 8 мај, истовремено со единаесеттите парламентарни избори во земјата.
