Јун е под кривична истрага откако се обиде да воведе вонредна состојба на 3 декември што ја запрепасти Јужна Кореја, четвртата по големина економија во Азија и една од најживите демократии во регионот.
Официјални лица од Канцеларијата за истрага на корупција на високи функционери (ЦИО) пристигнале пред вратата на резиденцијата на Јун кратко по 7:00 часот по локално време, според сведоци на Ројтерс. Претседателската безбедносна служба (ПСС), која претходно го блокираше пристапот на истражителите со налог за претрес во канцеларијата и службената резиденција на Јун, го спречи неговото апсење.
SEOUL (@CNN) — 12:45PM — YOON ARREST STANDOFF — Hour 6 — This is what demonstration in *support* of South Korea’s suspended President Yoon Suk Yeol looks like. Prosecutors & corruption investigators are *still* trying to detain Yoon for questioning, a 1st for a sitting president. pic.twitter.com/LJPi5CK4U1
— Mike Valerio (@ValerioCNN) January 3, 2025
„Обвинителите и истражителите се во застој со претседателската безбедносна служба пред резиденцијата, откако ја поминаа првата и втората бариера“, изјави полициски претставник за јужнокорејската новинска агенција Јонхап.
Канцеларијата за истрага на корупција подоцна соопшти дека го запира обидот за апсење на Јун затоа што смета дека е „невозможен“. „Загрижени сме за безбедноста на тимот на теренот“, рекоа истражителите, додавајќи дека следните чекори ќе бидат решени по нова проценка.
„Сметаме дека ставот на обвинетиот кој го одби правниот процес… е вреден за длабоко жалење“, посочија тие. Во меѓувреме, приврзаниците на Јун танцуваа и скандираа: „Победивме“.
SEOUL (@CNN) — YOON ARREST STANDOFF — Hour 7 — This is what it looks like steps away from suspended president Yoon Suk Yeol’s home. South Korean prosecutors & investigators are trying to arrest Yoon, 1 month after martial law. pic.twitter.com/nssdGTrvW9
— Mike Valerio (@ValerioCNN) January 3, 2025
Адвокатот на јужнокорејскиот претседател рече дека извршувањето на неважечкиот налог за апсење против Јун е незаконско и дека тој ќе преземе правни мерки, но не откри детали. Во меѓувреме, адвокатите на Јун влегоа во претседателската резиденција.
Демонстрантите се собраа во близина на резиденцијата пред зори, а бројот се зголеми бидејќи медиумите објавија дека истражните органи наскоро ќе се обидат да го извршат налогот за апсење на Јун. „Мораме да ги блокираме со нашите животи“, рече еден од демонстрантите.
„Претседателот Јун Сук Јол ќе биде заштитен од народот“, скандираа некои демонстранти и повикаа на апсење на шефот на ЦИО. Сегашниот налог за апсење важи до 6 јануари и им дозволува на истражителите да го задржат Јун само 48 часа по неговото апсење. Тогаш, истражителите мора да одлучат дали ќе побараат притвор или ќе го ослободат.
Јун ја шокираше Јужна Кореја на 3 декември објавувајќи вонредна состојба за да се надмине политичкиот застој и да се искоренат „антидржавните сили“. Само неколку часа подоцна, 190 пратеници гласаа против наредбата на претседателот. Јун ја укина вонредната состојба, обвинувајќи ги домашните политички противници дека се блиски со Северна Кореја.
