На 14.01.2025 година, во 05:10 часот, на улицата „Алија Авдовиќ“, полициски службеници од Оперативен тим потраги и Единицата за интервентна полиција при СВР Скопје го лишија од слобода Н.С. (48) од Скопје.
Лицето било баранo по наредба од Основниот кривичен суд Скопје за издржување затворска казна од три години и два месеци за сторено кривично дело поврзано со член 396 од Кривичниот законик – неовластено изработување, држење и тргување со оружје и распрскувачки материи. Н.С. е предаден на надлежната казнено-поправна установа.
Во истиот ден, во 07:35 часот, на улица 134 во Скопје, полициски службеници од Оперативен тим потраги при СВР Скопје го лишија од слобода Б.Ѓ. (46) од Скопје. Тој бил баран по наредба на Основното јавно обвинителство Скопје, во врска со член 215 од Кривичниот законик, неовластено производство и пуштање во промет на наркотични дроги, психотропни супстанци и прекурсори.
Лицето е предадено на Основното јавно обвинителство Скопје.
МВР продолжува со континуирани активности за пронаоѓање и приведување лица барани со потерници, со цел обезбедување законитост и безбедност во државата.
