Фотографијата на Фејсбук ја објави Дмитриј Ситиј, кој наводно управува со операциите на Вагнер во таа земја. Ова е прво потврдено појавување на Пригожин во Русија од неуспешниот оружен бунт на Вагнер во јуни.
Средбата на Пригожин и Мапоука била одржана во хотелот Трезини палас во Санкт Петербург.
Prigozhin showing up at the Russia-Africa forum, where Putin was speaking, is bizarre and an embarrassment for Putin
Does it mean everything is forgotten and we’re back to business as usual? If true, it appears that Putin is even more vulnerable than many believed. pic.twitter.com/1w75bwZ8Eg
— Tymofiy Mylovanov (@Mylovanov) July 28, 2023
Би-би-си верифај користел софтвер за препознавање лица за да спореди познати фотографии на функционерот на Централноафиканската Република со фотографијата на која се наоѓа Пригожин и веродостојноста била 99 отсто.
Деталите на ентериерот кои се гледаат во позадина одговараат на хотелот Трезини палас кој, според руските медиуми, е во сопственост на Пригожин.
Состанокот следува по појавувањето на Пригожин во Белорусија минатата недела. На снимките објавени на Телеграм Пригожин ги поздравува борците на Вагнер групата и критикува настани на боиштето во Украина како „срамни“.
Пригожин навестува дека Вагнер би можел покасно да се врати во војната.
Преминувањето на Вагнер во Белорусија е дел од договорот со кој заврши обидот за бунт на групата во јуни, по марширањето кон Москва и заканата за вовлекување на Русија во граѓанска војна, кажа рускиот претседател Владимир Путин, домаќинот на самитот со шефовите на африканските држави кој завршува денес.
