четврток, 23 мај 2024

Приемот на Косово во Советот на Европа не е на дневниот ред за мајскиот состанок, засега

Приемот на Косово во членството на Советот на Европа (СЕ) не е на дневниот ред на Комитетот на министрите, кој ќе се одржи на 16 и 17 мај, се дознава од денешното најавно соопштение на Советот на Европа со објавениот дневен ред.

Фото: ЕПА

Објавено на

часот

Сподели

„Соопштението го одразува дневниот ред каков што е во овој момент и немаме повеќе информации да споделиме“, ѝ кажале на агенцијата Бета од СЕ на прашањето дали тоа значи дека министрите на мајскиот состанок нема да одлучуваат за прием на Косово.

Парламентарното собрание на Советот на Европа го поддржа на 16 април приемот на Косово во Советот на Европа, усвојувајќи го мислењето и препораката на грчката пратеничка Дора Бакојани.

Конечната одлука за членството ја носи Комитетот на министри на Советот на Европа, на министерско ниво, а такви состаноци се одржуваат еднаш годишно, обично во мај.

На дневниот ред на годишниот министерски состанок ќе бидат мерки кои СЕ продолжува да ги презема како одговор на агресијата на Русија на Украина, спроведувањето на Декларацијата од Рејкјавик усвоена на Самитот на шефови на држави и влади минатата година и усвојување на Рамковната конвенција за вештачката интелигенција, човековите права, демократијата и владеењето на правото.

Министрите за надворешни работи на 16 мај ќе учествуваат на свеченост по повод одбележувањето на 75-годишнината на Советот на Европа.

ТОП ВЕСТИ

ПОСЛЕДНИ ВЕСТИ