сабота, 24 февруари 2024

Претседателот Пендаровски ги прими членовите на новата влада

Претседателот на државата Стево Пендаровски вечерва, по завршувањето на седницата во Собранието за избор на преодна влада за спроведување на изборите за пратеници, во својот Кабинет ги прими членовите на новиот состав на Владата.

Објавено на

часот

Сподели

На членовите на преодната Влада, претседателот Пендаровски им посака ефикасно работење.

„Честитки за изборот на преодната Влада. Ѝ посакувам ефикасно функционирање и успешно спроведување на претстојните избори“, соопшти кусо претседателот.

За средбата кај претседателот Пендаровски информираше и новоизбраниот премиер Талат Џафери.

„Особено е важно државните гранки да функционираат координирано и постојано да соработуваат во корист на граѓаните и државата. Денес претседателот Пендаровски организираше прием во чест на новоизбраната Влада“, напиша Џафери на Фејсбук.

Преодната Влада беше избрана на денешната 141. пленарна седница со 65 гласа „за“ и тројца „против“. Преодната Влада се избира на 100 дена пред изборите, а има мандат до официјалното објавување на резултатите од претстојните парламентарни избори закажани за 8 мај, односно до формирањето на новата влада.

ТОП ВЕСТИ

ПОСЛЕДНИ ВЕСТИ