вторник, 5 март 2024

Претседателот на Јужна Кореја ја повика морнарицата „без двоумење“ да одговори на Северна Кореја

Јужнокорејскиот претседател Јун Сук Јеол ја повика морнарицата да „одговори масовно и без двоумење“ на каква било провокација од Северна Кореја.

Епа

Објавено на

часот

Сподели

„Ако непријателот нè провоцира, применете го принципот „прво дејствувајте“, а подоцна пријавите и одговорете решително, масовно и без двоумење целосно да ја уништите волјата на непријателот“, изјави Јун Сук Јеол за време на посетата на единицата на маринците на границата со Северна Кореа.

Северна Кореја, која поседува нуклеарно оружје, ја нарече Јужна Кореја свој „главен непријател“, ги затвори организациите наменети да разговараат за повторно обединување меѓу двете земји и се закани со војна доколку јужнокорејските сили навлезат „илјадити дел од милиметарот“ на нејзина територија.

Севернокорејскиот лидер Ким Џонг Ун повтори дека Пјонгјанг нема да се двоуми да ја „срамни со земја“ Јужна Кореја доколку неговата земја биде нападната. Според неговите зборови, Јужна Кореја е „најопасниот и првиот непријател“.

Јужнокорејскиот претседател денеска по повод лунарната нова година посети единица која има повеќекратен ракетен систем и рече дека неговата земја е „целосно подготвена веднаш да одговори во случај на непријателска провокација“.

Покрај размената на заканувачки изјави, двете страни во последните месеци ја зајакнаа безбедноста на границата и спроведоа воени вежби долж границата.

Претседателот Јеол го обвини Пјонгјанг дека е „неразумен“ и дека сака уште провокации пред парламентарните избори на 10 април во Јужна Кореја.

Лидерот на Јужна Кореја, кој дојде на власт ветувајќи поостар став кон Пјонгјанг, се надева дека неговата конзервативна партија ќе го врати парламентарното мнозинство што го загуби во 2016 година.

Северна Кореја врши провокации пред секои избори во Јужна Кореја, надевајќи се дека ќе предизвика проблеми во земјата.

ТОП ВЕСТИ

ПОСЛЕДНИ ВЕСТИ