вторник, 16 април 2024
Реакција од кабинетот на шефот на државата

Претседателот на државата мора да е обезбедуван и да користи службено возило

Претседателот Стево Пендаровски е актуелен претседател на државата и за него важат посебни прописи за заштита на личноста односно постојано физичко обезбедување вклучително и користење на посебни службени возила со кои се обезбедува физичка заштита. Ова го одговорија од кабинетот на претседателот, откако дел од медиумите вчера објавија дека актуелниот претседател и кандидат на СДСМ, Стево Пендаровски со службено возило и со доделеното обезбедување го посетил штабот на СДСМ во Штип.

Фото: Претседателот на настанот кај Конско

Објавено на

часот

Сподели

„Посебните правила се уредени во Уредбата за личностите и објектите што се обезбедуваат, видовите на мерки и активности и степените на обезбедување, донесена од Владата, согласно со Законот за полиција, уште во 2014 година“, наведуваат од претседателскиот кабинет.

Оттаму додаваат дека овие правила важат за целото време на извршување на функцијата и нагласуваат дека согласно со член 8-б, став 1 од Изборниот законик, овие правила за претседателот важат и за време на изборната кампања.

„Потсетуваме дека претседателот на државата не е член на ниту една партија и е подготвен да има средба со секоја политичка партија доколку има такво барање или покана, како што практикува од стапувањето на должноста во 2019 година“, додаваат од кабинетот на претседателот.

Инаку, во наведената уредба од 2014 година, меѓу другото, се наведени функционерите кои се обезбедуваат:

Од страна на Министерството за внатрешни работи со редовни, вонредни и посебни
мерки и активности постојано се обезбедуваат следниве личности:
– Претседателот на Република Македонија;
– претседателот на Собранието на Република Македонија;
– претседателот на Владата на Република Македонија;
– замениците на претседателот на Владата на Република Македонија;
– министерот за внатрешни работи;
– министерот за одбрана;
– министерот за надворешни работи и
– директорот на Бирото за јавна безбедност и директорот на Управата за безбедност и
контраразузнавање во Министерството за внатрешни работи.

ТОП ВЕСТИ

ПОСЛЕДНИ ВЕСТИ