„Според она што го имам како информација прво мора да се направи детална статичка проверка на мостот што е процес којшто мора да го направат стручни институции и лица и врз основа на извештај што ќе биде изготвен. Тој е дел од градот Скопје и секако дека и државата има обврска да биде што побрзо ставена во функција таква клучна сообраќајница. Сите институции што треба да се вклучат, ќе бидат на располагање“, рече Ковачевски.
Мостот од безбедносни причини е затворен за сообраќај. Пожарот избувна ноќта меѓу 11 и 12 мај. Според известувањата од Центарот за управување со кризи, бил пријавен околу полноќ на единствениот број за итни повици 112. На терен биле испратени осум противпожарни возила и 21 пожарникар. Изгаснат е околу четири часот наутро. Од Противпожарната единица, тогаш за МИА изјавија дека запалена била електрична инсталација и систем за парно греење.
Според првичиот впечаток од увидот, се смета дека огнот равил температура од 1.000 степени поради што е можно дел од челичната арматура и бетонскта подлога да загубиле од еластичноста и статиката.
