Градоначалникот Ристов уверува дека граѓаните се безбедни и дека дежурни екипи ќе го надгледуваат теренот цела ноќ.
„Мислиме дека пожарот до утре наутро ќе биде локализиран. Беше напорно, беше сериозни, но со помош на сите луѓе вклучени во акцијата мислиме дека ќе биде сѐ како што треба. Граѓаните треба да мирна и безбедно да ја поминат ноќта“, изјави Ристов.
Директорот на Центарот за управување со кризи (ЦУК), Стојанче Ангелов објасни дека на патот во близина на пожарот се распоредени локалните пожарникари кои, како што кажа тој, нема да му дозволат на пожарот да го премине асфалтираниот пат.
„Условно кажано пожарот е заокружен од сите страни. Кај горната страна на пожарот кој може да се движи кон планината веќе имаме изгорен појас така што ние сме оптимисти дека до утре наутро пожарот ќе биде ставен под целосна контрола“, рече Ангелов.
