Дождот угаси дел од пожарот на Серта, но на неколку точки пожарот е активен.
„За нас главен приоритет ни се човечките животи и населените места. Засега нема загрозено ниту едно населено место“, изјави Стојанче Ангелов, директор на Центарот за управување со кризи.
Денеска активни беа вкупно 29 пожари од кои 16 беа изгаснати.
Активни се пожарите во општините Чашка, Росоман, Студеничани, Штип, Долнени, Конче, Делчево, Македонски Брод, Василево, Велес и Пробиштип. Во дел од општините има и по два активни пожари.
