четврток, 23 мај 2024

Повеќе од 90 луѓе се удавија во близина на Мозамбик, бегајќи од епидемија на колера

Повеќе од 90 луѓе се удавија откако брод потона северно од брегот на африканската земја Мозамбик, соопштија локалните власти.

Фото: социјални мрежи

Објавено на

часот

Сподели

Официјални лица во провинцијата Нампула соопштија дека пет од 130 лица за кои се верува дека биле на бродот што потона кај островот Мозамбик, во истоимената африканска земја, се спасени, јави Би-би-си.

Се вели дека патниците бегале од епидемија на колера, изјави секретарот на покраината Жаим Нето, додавајќи дека меѓу загинатите има многу деца.

„Превртувањето се случи бидејќи бродот беше преполн, не беше дизајниран да превезува толку многу патници“, рече Нето.

На видео на социјалните мрежи се гледаат десетици тела на плажа.

Бродот патувал од Лунка кон островот Мозамбик, во близина на брегот на Нампула, јави португалската јавна телевизија РТП.

Покраината Нампула е една од најтешко погодените од епидемијата на колера, која од јануари минатата година се прошири во неколку земји во јужна Африка.

Според УНИЦЕФ, сегашната епидемија е најлоша во изминатите 25 години.

Од октомври 2023 година, Мозамбик пријавил 13.700 случаи на колера, додека 30 луѓе починале.

ТОП ВЕСТИ

ПОСЛЕДНИ ВЕСТИ