Скоковите се одржаа во близина на манастирот Мон Сен Мишел, бидејќи Сен (Свети) Мишел по католичката традиција се смета за заштитник на падобранците.
Падобранците, меѓу кои имало аматери а не професионални војници, скокнале од висина од 400 метри. Тие носеле тогашни сојузнички униформи и користеле стари округли падобрани, а некои носеле и знамиња на сојузничките земји.
Француските медиуми денес пренесоа дека во прославата учествувале и американски војници, дека во текот на денот на местото на слетувањето на падобранците ќе пее хор на воздушно-десантните единици на војската на Соединетите Американски Држави.
Во четврток, на 6 јуни, навршуваат точно 80 години од почетокот на операцијата позната како Ден Д, и една од клучните битки за победата над нацистичка Германија.
Истоварувањето во Нормандија, познато под шифрата „Операција Оверлорд“, е најголемата поморска инвазија во историјата на војувањето. Десантните сојузнички сили ги сочинувале 73.000 американски, повеќе од 60.000 британски и над 20.000 канадски војници, со поддршка од француски командоси.
Истоварувањето долж 80 километри брег почнало со ноќен падобрански десант на 23.000 луѓе, голем артилериски напад од воздух и море, по што на 6 јуни 1944 следел и успешен амфибиски десант во близина на Кан, град на северозападот на ФРанција.