Како што информираа од РЦУК на Град Скопје поради планирани зафати во електродистрибутивната мрежа, во периодот од 9 до 12:30 часот без напојување со електрична енергија ќе останат дел од корисниците од улицата 2, делот кај отпадите меѓу Визбегово и Шуто Оризари.
Во период од 10 до 14 часот без струја ќе бидат дел од корисниците од улица Бутелска 13 и улица Бутелска-крак Серава, а во период од 9 до 14 часот дел од корисниците од Горно Соње – улица 8.
Во период од 8 до 14 часот без електрична енергија ќе бидат корисниците од улицата Никола Малешевски, сите четири влезови веднаш до ТС и до Пензионерски, улицата Ферид Мурати број 4 (пензионерски дом Чаир) и средно училиште Цветан Димов, а во период од 9 до 15 часот дел од корисниците во Волково и Стопански двор.
Во период од 8:30 до 9 часот без струја ќе бидат дел од корисниците од улицата Архепископ Доситеј зграда број 2.
Регионалниот центар за управување со кризи на Град Скопје, по добиеното известување од Водовод и канализација – Скопје соопшти дека поради дефект на П.П. Хидрант од ф -80 на улицата Максим Горки (кај Мепсо), со прекинато водоснабдување ќе бидат корисниците на потегот од плоштадот до Македонска пошта и дел од Орце Николов.
Водоснабдувањето ќе биде прекинато од 9 часот до завршување на работните активности.
