четврток, 23 мај 2024

„Посвети и пофалби“, нова стихозбирка од Иван Џепароски

„Посвети и пофалби“ е насловот на новата поетска книга на Иван Џепароски, издание на Здружението за уметност и култура „Дијалог“ од Скопје. Стихозбирката е објавена во едицијаta  „Синтези“, со поговор на Кристина Николовска, под наслов „Со стих кон стихот“, информираат од „Дијалог“.

Објавено на

часот

Сподели

„Генералната оценка во толкувачкиот прилог е дека ‘Посвети и пофалби’ од Иван Џепароски е проект со впечатливи творечки и креативни достоинства, ‘поетско дело кое на стабилен и моќен начин покренува важни теми од нашата култура’“, велат од „Дијалог“.

Во оваа смисла Николовска подвлекува дека „тоа е прекрасен поетов глас, искрен и интимен однос кон поезијата, кон филозофијата во поезијата, арс-поетиката и поетската херменефтика. Со ова дело македонската литература, добива извонредно остварување кое преку стих покренува, третира и толкува серија важни прашања од нашиот културен, научен и творечки амбиент.“

Иван Џепароски (1958) е поет, филозоф, естетичар, критичар, преведувач и антологичар. Автор е на четириесетина дела од областа на поезијата, на естетиката и културната теорија, како и составувач на поетски антологии и на книжевно-теориски и естетички избори.

За своето творештво добитник е на наградите „Млад борец“, „Димитар Митрев“, „Парадигма“, „Браќа Миладиновци“, „Книжевен жезол“ и „Константин Филозоф“. Добитник е и на наградата „Григор Прличев“, највисоко признание за поетски превод.

ТОП ВЕСТИ

ПОСЛЕДНИ ВЕСТИ