Поранешниот американски адмирал, кој ги предводеше силите на Алијансата на континентот меѓу 2009 и 2013 година, кажа за Политико дека ескалациите на море, вклучувајќи го турскиот брод од неделата, би можеле да ги примораат партнерите на Киев да интервенираат за да спречат загрозување на украинската економија.
„Акциите на Русија во меѓународните води на Црно Море создаваат реален ризик од ескалација во војна на море меѓу НАТО и Русија. НАТО не може да обезбедува оружје и пари за Украина, и само да гледа како Русија за задушува нивната економија со нелегална блокада“, кажа Ставридис.
Министерството за одбрана на Русија во вторникот потврди дека испукале истрели за предупредување пред нејзините војници да се качат на товарниот брод Шукру Окан под знаме на Палау, кој украинскиот министер за надворешни работи го окарактеризира како турски.
