Полска и Шведска играа 29-29 во дуелот по кој Полјаците сега имаат три, а Швеѓаните два бода, па Македонија за половина час ќе атакува на победа што може да ѝ овозможи трета позиција на табелата.
Сè изгледаше како лесен меч на Шведска, откако Скандинавците стигнаа до преубедливи 20-9 на полувреме, предводени од Хенрик Линдстром. Но наместо рутински да го одиграат вториот дел, Швеѓаните предвреме се израдуваа, а Полјаците им вратија со иста мера во вториот дел, 20-9 за конечни 29-29. Бартоломеј Јашка со осум гола беше прво име кај Полска, а Никлас Екберг со седум кај Шведска.
