Мазутот ќе се продава за цена пониска за 0,948 денари за килограм. Така одлучи Регулаторна комисија за енергетика, водни услуги и услуги за управување со комунален отпад на денешната седница, а намалувањето е во просек 1,64 посто.
Највисоките малопродажни цени на нафтените деривати и горива за транспорт, изнесуваат: моторен бензин – еурисупер БС – 95 – 75,50 (денари/литар), еуросупер БС – 98 – 77,50 (денари/литар), еуродизел БС (Д-Е V) – 68,50 (денари/литар), масло за горење – екстра лесно 1 (ЕЛ-1) – 68,00 (денари/литар), мазут М-1 НС – 42,985 (денари/килограм).
Референтните цени на нафтените деривати на светскиот пазар во споредба со претходната пресметка бележат намалување- бензините за повеќе од 4 проценти, а кај дизелот намалувањето е над 1 отсто.
