недела, 23 јуни 2024

Почнува Стратешкиот дијалог меѓу Македонија и САД

Објавено на

часот

Сподели

Тие ќе учествуваат на Стратешкиот дијалог меѓу Македонија и САД. Преку видео-конференциска врска на Стратешкиот дијалог ќе се приклучи и заменичката на претседателот на Владата задолжена за политики за добро владеење, Славица Грковска.

Во фокусот на Стратешкиот дијалог ќе бидат темите од билатералните односи, но ќе стане збор и за прашања од глобален интерес. Значајно место во разговорите ќе имаат темите од областа на регионалната соработка, одбраната и безбедноста, енергетиката, економската соработка, трговијата и инвестициите, културната соработка, како и прашањата од областа на образованието, демократскиот развој, борбата против корупција и сл.

Воедно, ќе стане збор и за евроинтегративните процеси на Македонија и регионот, идното претседавање на земјава со ОБСЕ во 2023 година, како и актуелните безбедносни предизвици и нивните импликации врз трансатлантската безбедност.

По завршувањето на Стратешкиот дијалог ќе биде донесена заедничка изјава меѓу Македонија и САД, со која ќе бидат реафирмирани заедничките заложби за понатамошно надградување на билатералните односи и соработката меѓу двете земји.

Македонија е прва земја од Западен Балкан која отвара Стратешки дијалог со САД кој воедно претставува надградба на досегашното стратешко партнерство меѓу двете земји и подигнување на билатералните односи на повисоко ниво.

ТОП ВЕСТИ

ПОСЛЕДНИ ВЕСТИ