петок, 1 март 2024

Почна заедничката поморска вежба меѓу САД, Јужна Кореја и Јапонија

Објавено на

часот

Сподели

Јужнокорејското Министерство за одбрана соопшти дека трилатералната поморска вежба се одржува во водите јужно од Корејскиот Полуостров, а во неа учествува и американскиот носач на авиони од класата Нимиц со нуклеарен погон.

„Вежбата против подморници беше организирана за да се подобрат способностите на Јужна Кореја, САД и Јапонија за одговор на зголемените подводни закани од Северна Кореја, вклучително и балистички ракети лансирани од подморници“, се вели во соопштението на Министерството.

Слична вежба беше одржана и во септември минатата година, за прв пат по пет години.

Пјонгјанг во март соопшти дека севернокорејската војска за време на тридневни воени вежби тестирала ново подводно нуклеарно оружје способно да создаде радиоактивни цунами од големи размери.

Сеул на вежбата ги распореди разурнувачите Јулгок ЈиЈи, Чое Јеонг и Даеџојеонг, Вашингтон го испрати носачот и два разурнувачи „Вејн Е. Меер“ и „Декатур“, додека во вежбата учествува и јапонскиот разурнувач ЈС Умигири.

„Вежбите против подморници ќе се фокусираат на зајакнување на способноста на земјите за откривање, следење, споделување информации и поразување на подводните закани од Северна Кореја“, е официјалната порака од Сеул.

Најавено е и дека трите морнарици ќе изведат и вежба за пребарување и спасување, каква што последен пат се одржа во 2016 година.

ТОП ВЕСТИ

ПОСЛЕДНИ ВЕСТИ