СВР Охрид денеска информира дека вчера случајот бил пријавен во ОВР Струга.
„Покрај крајбрежјето на Охридското Езеро, околу патеката која од Струга води кон селото Калишта, настанал пожар на државно земјиште со трска и нискостеблеста вегетација. Повредени лица нема, а интервенирала Територијалната противпожарна единица од Струга“, изјави портпаролот Стефан Димоски.
Пред само десетина дена на овој потег беше регистриран и друг пожар, во кој била зафатена поголема површина со трски.
