Черепналковски освен како управител во Неотел, беше постојан член на Одборот на директори на АД Неоком. Својата богата професионална кариера ја започнува во енергетскиот сектор во Електростопанство на Македонија (ЕСМ) и воедно беше првиот генерален директор на Оператор на електропреносен систем на Република Македонија (АД МЕПСО).
Ќе биде запаметен како исклучително скромен и ведар лидер кој несебично се залагаше за својот колектив. Беше човек кој неуморно се залагаше да помогне кога е најпотребно.
Погребот ќе се одржи во сабота на градските гробишта Бутел во Скопје.
