Тој починал опкружен со своето семејство во Лас Вегас, откако боледувал од рак на простата. Состојбата му се влошила последните месеци, па завршил во болница.
Тој е поранешен великан на американскиот фудбал, но најпознат стана по судењето за двојното убиство на поранешната сопруга Никол Браун Симпсон и нејзиниот пријател Рон Голдман во 1990-тите.
Симпсон беше ослободен пред три децении за двојно убиство што ја шокираше Америка. Сепак, тој заврши во затвор за оружен грабеж, напад со смртоносно оружје и десет други злосторства извршени во 2007 година во хотел во Лас Вегас.
Се вели дека бил опкружен со своите деца и внуци кога починал вчера вечерта. Адвокатот на Симпсон, исто така, ја потврдил неговата смрт за Ти-ем-зи.
О.Џ. Симпсон зад себе остави четири деца: Арнел и Џејсон од првиот брак и Сиднеј и Џастин од бракот со Никол Браун Симпсон.
