Ретко кој од возачите се осмелува да излезе од автомобилот доколку има клима – уред, а некои се жалат дека можат да останат без гориво ако колоната возила не се забрза. Факт е дека возилата со вклучена клима трошат повеќе бензин. Тие велат дека имаат мали деца и дека мора да го разладуваат автомобилот. Оние што немаат кллима уред во возилото, со отворени прозорци се обидуваат да фатат ветре, но попусто.
Фото: МКД.мк
Никој нема одговор дали чекањето е заради огромниот број возила, особено од Србија и Македонија, имајќи предвид дека е викенд на половина од месецот, кога се прави смена на годишноодморците, или има технички проблеми кај грчките погранични служби.
Камерите инсталирани на Богородица пак, покажуваат дека фреквенцијата на возила не е така голема за влез во Грција, како што е тоа случај со Евзони, во обратниот правец.
Фото: Камера на Богородица
Тие што решиле да заминат за Грција, во најголем број, дел од нив викенд – туристи, тоа го сториле уште вчера, или порано денеска.
П.Џ.
