Десетици поранешни затвореници пристигнаа во текот на ноќта во Бетунија, западно од Рамала, но на повеќето ослободени првично им беше забрането да се вратат во своите родни места, бидејќи израелските контролни пунктови околу неколку палестински градови беа затворени, принудувајќи ги да останат во хотели.
Луѓето се слеаја на улиците во текот на ноќта за да ги пречекаат повратниците, кои пристигнуваат со автобуси на Западниот Брег. Израелската војска ги предупреди Палестинците што живеат во селата во близина на израелските населби да не го слават ослободувањето на затворениците. Израелските доселеници, наводно, ги нападнале палестинските села со молотови коктели и камења и ги палеле нивните автомобили. Според првичните информации, нема повредени.
Се вели дека повеќето од палестинските затвореници ослободени вчера, на првиот ден од неодамна постигнатиот прекин на огнот меѓу Израел и Хамас во 15-месечната војна во Газа, се жени и малолетни. Повеќето од нив се од Западниот Брег, а дел се од источен Ерусалим.
