понеделник, 15 април 2024

Петти ден од потрагата по девојчето Данка Илиќ (2): Обвинителите наредија вештачење на мобилниот телефон на мајката (ВИДЕО)

Петти ден од потрагата по девојчето Данка Илиќ (2) кое исчезна во Бањско Поле во Србија, а стравот се вовлече кај мештаните.

Фото: скриншот

Објавено на

часот

Сподели

„Претходно ги остававме сами да трчаат, да играат криенка, седевме на клупа и разговаравме. Децата секогаш ги имавме на видик, но сега ни е тешко да се одвоиме од нив на минутка“, изјави за Блиц дедо на едно од момчињата. Внукот не го испушта од вид.

Полицијата вчера ја донесе мајката на Данка на местото каде последен пат било видено девојчето во обид да се направи реконструкција на настаните од денот на исчезнувањето, сè што се случувало во тие моменти.

Српските медиуми објавија снимка од воздух од местото на исчезнувањето, а пренесоа и неофицијални информации според кои се размислува да се пребарува големото Борско езеро кое е оддалечено на околу 6 километри од местото на исчезнувањето на девојчето.

Обвинителството денеска нареди и детално вештачење на мобилниот телефон на мајката. Српските медиуми пишуваат дека таа наводно избришала дел од пораките и повиците пред исчезнувањето на девојчето.

„Сите избришани пораки ќе бидат вратени“, изјавил извор за Блиц.

Денеска се пребарувале коритото и бреговите на реката која тече покрај патот што води до влезот во селото Бањско Поле.

Поради доброто време и добрата видливост, хеликоптери во низок лет го надлетувале теренот – едниот директно над куќата, другиот малку подалеку,  изјави српското МВР за Данас.

Полицаец од полициската управа Бор е приведен поради оддавање информации од истрагата за исчезнувањето на малата Данка Илиќ, неофицијално дознава Данас.

Специјалистички спасувачки екипи од урнатини темелно го пребарале тунелот, подземните канали и шахтите и во таа прилика не се пронајдени траги, соопшти српското МВР.

ТОП ВЕСТИ

ПОСЛЕДНИ ВЕСТИ