Осомничените, на возраст меѓу 22 и 46 години, беа уапсени поради нивната наводна вмешаност во подготовки за извршување на терористички планови кои имале за цел сериозно да го нарушат јавниот ред.
Операциите за апсење на оваа терористичка група се одвивале во Казабланка, Тангер, Тетуан, Мартил и руралната општина Онага во провинцијата Есауира, се вели во соопштението на Централното биро за судски истраги, а деталите за нивните терористички планови биле откриени со истрагите на Генералниот директорат за територијален надзор.
Првичните истраги откриле дека осомничените, кои се обврзале на верност на таканаречениот калифат на организацијата ИСИС, имале намера да спроведат терористички проекти насочени кон виталните објекти и безбедносните институции, паралелно со нивното придржување кон кампањите кои поттикнуваат насилство, соопшти Централното биро за судски истраги во нивната изјава.
Истрагата покажала дека еден од членовите на оваа терористичка ќелија, кој имал познавање во електроника, планирал да произведува експлозивни направи.
Членовите на оваа терористичка ќелија беа приведени и ќе за нив ќе биде спроведена судска истрага со цел да се разјасни природата на врските на оваа терористичка ќелија со ИСИС, со цел да се идентификуваат нејзините деструктивни планови и проекти.
