„Русија лансирала објект во ниската Земјина орбита за кој проценуваме дека е веројатно вселенско оружје за кое се претпоставува дека е способно да уништува други сателити“, кажа портпаролот на Пентагон, генерал-мајорот Пет Рајдер, на конференција за медиумите.
Russia has launched a likely space weapon and deployed it in the same orbit as a US government satellite, the Pentagon said.https://t.co/evPtxQE5cz
— AFP News Agency (@AFP) May 22, 2024
Рајдер додаде дека Вашингтон ќе продолжи да ја следи ситуацијата и дека е способен да ги заштити своите интереси.
„Имаме одговорност да бидеме спремни да ја заштитиме и одбраниме областа, вселенската област, и да обезбедиме континуирана и непрекината поддршка на нашите сили“, додаде тој.
Москва претходно ги обвини Соединетите Американски Држави дека планираат да постават оружје во вселената.
„Уште еднаш покажаа дека нивните вистински приоритети во вселенскиот простор не се насочени на тоа вселената да ја ослободат од какво било оружје, туку на поставување оружје во вселената и нејзино претворање во арена за воен конфликт“, кажа портпаролката на руското министерство за надворешни работи Марија Захарова.
