сабота, 25 мај 2024

Пентагон призна: Им испорачавме моќни ракети на Украинците

САД испратија нов ракетен систем со долг дострел во Украина, потврди Пентагон. Оружјето со висока прецизност е дел од итниот воен пакет за Украина, што САД го најавија во март, но на барање на Украина не беше конкретно наведен на листите за испорака.

Фото: ЕПА

Објавено на

часот

Сподели

Претседателот Џо Бајден му наложи на својот тим да ја изврши испораката откако Русија набави балистички ракети од Северна Кореја и ги употреби против Украина, соопшти Пентагон. Воените тактички ракетни системи – познати како АТАКМС – ќе ѝ помогнат на Украина да им се закани на руските сили во кој било дел од окупираната украинска територија, соопшти министерството.

Најавата дојде неколку часа откако Бајден рече дека нова воена помош ќе започне да пристигнува во Украина „во следните неколку часа“ по потпишувањето на тешко издејствуваната легислатива која обезбедува милијарди долари нови трошоци за поддршка на борбата на Украина против Русија.

„Ќе се погрижам испораките да започнат веднаш. Во следните неколку часа – буквално за неколку часа – ќе започнеме да испраќаме муниција за противвоздушна одбрана, артилерија за ракетни системи и оклопни возила во Украина“, рече Бајден во Белата куќа. Тој нагласи дека обновувањето на украинските залихи со американско оружје е инвестиција „не само во безбедноста на Украина, туку и во безбедноста на Европа и нашата сопствена безбедност“.

Бајден предупреди дека ако Украина не успее, следниот чекор на рускиот претседател Владимир Путин би можел да биде директен напад врз сојузниците во НАТО: „Нема да имаме друг избор освен да им помогнеме. Исто како што нашите НАТО сојузници ни дојдоа на помош по нападите од 11 септември“.

Неколку американски медиуми, повикувајќи се на американски владини претставници, објавија дека ракетите со долг дострел пристигнале минатата недела и веќе биле употребени. Ен-би-си њуз објави дека Украина минатата недела изврши напад на окупираниот полуостров Крим, а оваа недела и на окупираниот град Бердјанск во југоисточна Украина.

Според извештаите, дополнителни ракети АТАКМС ќе бидат вклучени во воениот пакет што го објави американскиот претседател Бајден во средата по одобрувањето од Конгресот. Пентагон конкретно не наведе дали испорачаните ракети се модели на АТАКМС со дострел од околу 300 километри или оние со помал дострел.

ТОП ВЕСТИ

ПОСЛЕДНИ ВЕСТИ