недела, 26 мај 2024

Пендаровски и владина делегација положија цвеќе пред гробот на Гоце Делчев

Владина делегација предводена од министерката за одбрана Славјанка Петровска заедно со министерката за животна средина и просторно планирање Каја Шукова со положување цвеќе на гробот на Гоце Делчев во црквата „Св. Спас” во Скопје, ја одбележа 121 годишнина од загинувањето на идеологот и синонимот за народна борба за слобода. И претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата смрт. На гробот се поклонија и му оддадоа почит и делегациите на Собранието, на Армијата, на Сојузот на борците, на дипломатскиот кор, на политичките партии како и други почитувачи на делото на Гоце Делчев.

Објавено на

часот

Сподели

„Денес се сеќаваме на големото дело на Гоце Делчев како срцевина на македонската револуционерна и интелектуална борба за македонска држава која е еднаква за сите. Тој се бореше и го положи својот живот за слободна и независна Македонија, неговите идеали и заложби се наша заедничка обврска да продолжиме да градиме демократска и економски напредна земја. Вечен останува споменот на великанот на македонското револуционерно дело и државност Гоце Делчев“, се наведува во соопштението од владината прес-служба.

ТОП ВЕСТИ

ПОСЛЕДНИ ВЕСТИ