Спасувачките екипи се на местото на несреќата во Воршотен, село во близина на Хаг, соопштија холандските власти, пренесува Ројтерс.
Од пожарната служба и итната помош за холандското радио изјавиле дека 19 лица се пренесени во болница, а на другите им била дадена помош на самото место.
Првиот вагон на ноќниот воз од градот Лајден за Хаг излета од шините по судирот и влета во поле, јави холандската новинска агенција АНП.
BREAKING: Passenger train collides with freight train in Voorschoten, Netherlands, multiple people injured, local media reports
In Nederland beginnen er ook treinen te ontsporen ?? pic.twitter.com/Fop5za0M1y
— Angel ?⚡️ (@AngelDumoulin) April 4, 2023
Според информациите, вториот вагон се превртел на страна, а во последниот вагон избувнал пожар, но тој брзо бил изгаснат.
Засега нема прецизни информации за причината за несреќата, а според некои од нив, во инцидентот учествувал товарен воз, кој исто така удрил во градежниот кран, јавува Ројтерс.
Холандските железници објавија на Твитер дека возовите меѓу Лајден и делови од Хаг се откажани поради несреќата.
