„Одигравме одличен натпревар против Палермо. Имаме сили и капацитет да се натпреваруваме на сите три фронта. На нешто со Челси од Лигата на шампионите сè уште не размислуваме зашто прво во првенството имаме значајни дуели од кои ни требаат бодови, а в четврток нè чека и натпреварот од Купот на Италија“, вели Пандев по победата над Палермо.
И италијанските медиуми го сместија струмичанецот меѓу тројцата најдобри фудбалери на дуелот, заедно со Кавани и Хамшик, кои обезбедија три бода за „сините“.
„Знам дека од натпревар на натпревар можам дополнително да напредувам. Во секој случај, мило ми е што имав значајна улога во победата над Палермо“, вели Пандев.