Пандев од изборот си направил приватна забава
Меси влезе во друштвото на великаните оти со само 24 години третпат по ред ја освојува „златната топка“, годинава пред соиграчот од Барселона Чави Ернандес и пред ѕвездата на Реал Мадрид, Кристијано Роналдо.
Иако Меси убедливо ги собра гласовите на селекторите и на капитените на националните селекции добивајќи 47,88 отсто од гласовите, македонските гласови отидоа кај Чави, Роналдо и Ето (Тошак) и кај Ето, Снајдер и Абидал (Пандев). Тоа што боде во очи е фактот што Пандев бодовите им ги дал на своите другари од Интер, Ето и Снајдер, иако тие воопшто немаа „своја“ сезона, додека изборот на македонскиот селектор е многу пологичен.
