„Во дописот од Републичкото јавно обвинителство Беликесир- Турција информираат дека на лицето Љупчо Палевски, кој со потерница беше уапсен за кривично дело – намерно убиство на дете, согласно Законот 6706 член 14 , со цел да се обезбеди екстрадиција на лицето во наведената земја ( РСМ), согласно член 16 од Европската конвенција за екстрадиција на криминалци , му е одреден привремен затвор во траење од 40 дена“, велат од македонското Министерство за правда.
Палевски е првоосомничен за убиството на девојчето Вања Ѓорчевска од Скопје и на велешанецот Панче Жежовски, чии тела беа пронајденни во околината кај скопска Бразда, односно во околината на Велес.
Пред да бидат пронајдени телата, Палевски беше избеган во Белград, а оттаму негов сопартиец од партијата Десна, го превезол до Баликесир. Таму беше приведен од турската полиција која ги извести македонските власти и со допис и со фотографија испратена до МВР заради потврда.
Во притвор се уште четворица осомничени, таткото на девојчето Вања, Александар Ѓорчевски, како и Влатко Кешишов, Велибор Маневски и Боре Видевски.
Според тоа што го имаше изјавено главниот обвинител на скопското Јавно обвинителство, Гаврил Бубевски, материјалните докази соодветствуваат со изсказите на осомничените за случувањата поврзани со грабнувањата и убиствата на Ѓорчевска и Жежовски.
